ಸಾನೆಟ್ ಸೀಕ್ವೆಲ್: ಮೋಬಿ ಡಿಕ್

"..and I fear the lord, the God of Heaven, which hath made the sea and the dry land” Jonah 1-9


ಕೃಪೆಯ ಮಾತಿರಲಿ ಕರುಣೆಯೂ ಇರದ ದೈವ
ತರತಮದರಿವುಗೆಟ್ಟವನೊಡನೆ ಬಾಳೆಲ್ಲ ಏಗಿ
ಈಗಿಲ್ಲಿ ಹುಳ್ಳನದುರುವ ಜೀವ
ಆಳದಲ್ಲೆಲ್ಲೋ ಸೋರಿ ಜೀವ ಬಸಿಯುವ ಹಡಗ

ಕಣ್ಣ ಕಿಲಾಡಿ ಗುರಿಯಳೆದ ಅದೃಶ್ಯ ರೇಖೆಯನ್ನರಸಿ
ಹಣೆ ಹೊಕ್ಕ ಹೆಳವನೀಟಿ
                                  ಮೋಬಿ ಡಿಕ್
ಕಡಲಾಳದಿಂದಾವ ಮಾಯದಲಿ ಬೇನಾಮಿ
ಸೇಡ ಹೊತ್ತು ತಂದಿತೋ
ಕ್ಷಣದಲ್ಲದರ ತಲೆಯೋಡ ನಿರ್ವಾತದಲ್ಲಾವ
ದೈವದಪ್ರಮೇಯ ಚಲ ಕೈಗೂಡಿತೋ?
ರಕ್ತದಮಲಲ್ಲಿ ಸೊಕ್ಕಿ ಮೇಲ್ವಾಯ್ದ ತೆರೆಯಬ್ಬರ
ನುಂಗಿ ತೊನೆವಾಗ ಬಿದ್ದ ಕಟಾಕ್ಷ – ಅಕಾರಣ ಕರುಣ

ಈಗ, ಕೃಪೆಯಾಗಿ ಕಾಲಡಿಗೆ ಸ್ಥಿರವಾದ ನೆಲ
ಹತ್ತ ಕಂಗೆಟ್ಟವನಿಗದುವೆ ಅಸದಳದ ವರ.